Kryeministri Rama e akuzon shpesh kryedemokratin Basha se vetëm fle gjumë, dhe se tashmë që jemi afër zgjedhjeve po bën ç’është e mundur për të ndryshuar ritualin e qetësisë. Por Basha shprehet nga ana tjetër se gabojnë, pasi për shkak të angazhimeve i është dashur që të mos ketë kontakte me familjarët e tj edhe për ditë me radhë.
Kryetari i opozitës, Lulzim Basha, ka folur për aktivitetin e tij politik, tani në opozitë dhe gjatë kohës që mbante poste të rëndësishme në qeverinë Berisha. I ftuar në emisionin “Çim Peka LIVE”, Basha u shpreh se për shkak të punës, si shefi i opozitës kalon disa ditë pa i parë fëmijët.
“Dita ime edhe tani nuk mund të jetë ndryshe. Kur je futur me këtë përkushtim në politikë, pak ndryshim ka nëse je në qeveri apo në opozitë, ti je i detyruar të sakrifikosh. Kush beson te kjo punë dhe tek ky mision, duhet të bëhet gati që të sakrifikojë nga jeta personale dhe familjare. Ja ku po e them shkurt: Kaloj 4-5 ditë pa i parë fëmijët për shkak të orarit. Kurse këta punë quajnë vjedhjen”, tha Basha.
