Basha: Do ekstradoj këdo që arratiset dhe ka vjedhur fondet e pandemisë

Kryetari i Partisë Demkratike, Lulzim Basha ka bërë një deklaratë të forte mbrëmjen e sotme në emisionin ‘’Çim Peka Live’’.

Basha tha se ka bërë rreth 50 kallzime elektorale në prokurori, dhe se vetëm dje kanë bërë 19 kallëzime që lidhen me shkeljet elektorale.

Ai ka thënë se kushdo që do të tentojnë të arratiset nga vendi për shkak të mashtimeve që kanë bërë apo vjedhjeve në kohën e tërmetit dhe pandemisë, do të ekstradohet.

Këtë premtim, Basha e bëri edhe si ish-ministër I Brendshëm, ku ka pasur një rekord ekstradimesh.

Lulzim Basha: ”Në prokuroritë e rretheve kemi bërë rreth 50 kallëzime elektorale, shumë prej tyre për krime elektorale. Në SPAK deri dje kemi bërë 19 kallëzime të lidhura këto me shkelje elektorale. Do të vijë kur Shqipëria do të çlirohet nga regjimi i korruptuar i Ramës. Dokumentat janë aty dhe nëse do të përpiqen të arratisen, unë kam një rekord ekstradimesh si ish-Ministër i Brendshëm, nga Zelanda e Re në Stokholm. Nuk do të shpëtojë askush që ka futur duart në xhepat e shqiptarëve edhe në kohën e pandemisë dhe të tërmetit.”