Vaksinimi, mbërrijnë pjesa e parë e 22 mijë e 230 dozave të Pfizer

Një pjesë e 22 mijë e 230 dozave të vaksinave Pfizer që kryeministri Rama ka premtuar se do të mbërrijnë brenda 20 prillit në Shqipëri, kanë ardhur sot.

Rama bëri me dije se ka ardhur ‘partia e parë’ pa bërë me dije saktësisht se sa doza mbërritën mbrëmjen e sotme në Rinas.

”Sapo mbërriti në Rinas partia e parë e 22 mijë e 230 dozave PFIZER, që do të lëvrohen deri në 20 prill. Vazhdojmë me forcë e me këmbëngulje përpara, që t’i kthejmë Shqipërisë buzëqeshjen një orë e më parë, mes vendeve më të shpejta në Europë për vaksinimin masiv”, shkruan Rama.

Kreu i qeverisë premtoi sot se brenda 10 ditëve do të mbërrijnë edhe 50 mijë doza të vaksinës ruse Sputnik V.