Kreu i PD-së, Lulzim Basha, në një prononcim për mediat ka zbardhur detaje nga takimi me raportuesit e KiE. Ai tha se zgjidhja e krizës politike, bëhet vetëm me mbajtjen e zgjedhjeve të parakohshme parlamentare. Sipas liderit të PD-së, opozita ka një plan me 5 pika për Reformën Zgjedhore, e cila do të sigurojë zhvillimin e zgjedhjeve të lira.
Basha deklaroi se është koha për të marrë vendimin e duhur për vendin, duke vendosur interesat e vendit para atyre politike. Ai i bëri thirrje Partisë Socialiste, të reflektojë sa nuk është vonë.
– Kur mendoni se do të mbahen zgjedhjet?
Zgjidhja e krizës politike, do të mundësohet vetëm prej zgjedheve të parakohshme parlamentare. Është çështje vullneti e të gjitha palëve. Opozita ka një plan me 5 pika për Reformën Zgjedhore.
E kam thënë dhe dua ta përsëris që ka pasur dy qëndrime. Kështu nuk mund të vazhdohet më, duhet një zgjidhje. Por ka edhe nga ata që nuk duan ndryshim.
Ata nga kjo gjendje përfitojnë, nga korrupsioni për shkak të gjendjes. Dështimin me negociatat, shëndetësinë etj, e paguajnë shqiptarët. Është koha që edhe pala tjetër, është në një kurs përplasje me palën tjetër.
