Futboll

Barcelona ngec në “San Mames”, hapet ‘lufta’ për titull për Real Madrid

               Publikuar në : 22:49 - 10/02/19 Enno

Barcelona nuk ka arritur të fitojë ndaj Athletic Bilbaos në San Mames, në përballjen e javës së 23-të në La Liga që përfundoi në barazim pa gola.

Vendasit rrezikuan disa herë në pjesën e parë, me anë të Yuri Berchiche, Markel Susaeta, Dani Garcia e Yeray Alvarez. Por asnjëri nuk u tregua i saktë para portës, por nuk mund të mohohet edhe performaca fantastike e Ter Steger. Lionel Messi bëri disa përpjekje për të rrezikuar, por rastin më të pastër e kishte Raul Garcia, por që nuk e shfrytëzoi si duhet.

Në minutat e parë të pjesës së dytë, numri 10 i katalanasve pati një tjetër mundësi, nga goditje dënimi, por që nuk u shfrytëzua si duhet. Inaki Williams kishte tri shanse të njëpasnjëshme për vendasit, por që nuk arriti ta dërgonte në rrjetë.

Deri në fishkëllimën e fundit të gjyqtarit rezultati mbeti i pandryshuar, kështu që skuadrat u kënaqën me nga një pikë. Barcelona tashmë ka vetëm gjashtë pikë më shumë se vendi i dytë, i cili mbahet nga Real Madrid.

Kthehu
WhatsApp Denonco ne TT