Numri 2 i Partisë Socialiste, Taulant Balla ka zbuluar edhe arsyen se përse kryeministri Edi Rama nuk ishte i pranishëm në parlament gjatë vizitës së presidentes në detyrë të Kosovës, Vjosa Osmanit.
Kjo situatë shkaktoi jo pak polemika në opinionin publik shqiptar.
I ftuar në studion e Report Tv te “5 pyetje nga Babaramo”, Balla tha se Rama në atë moment ka qenë në një aktivitet të programuar prej kohësh.
“Isha, padyshim prezent. Ju kujtoj që kryeministri ka qenë në një aktivitet të programuar prej kohësh. Vizita ka pasur shumë ndryshime datash brenda një kohe të shkurtër për asye të shëndetit të mikes nga Kosova,”- tha Balla.
