Kreu i grupit parlamentar socialist Taulant Balla ditën e sotme ka deklaruar publikisht se deri në fund të vitit duhet të përmbyllet Kodi Zgjedhor.
“I bëj thirrje deputetëve të opozitës, është në detyrën tonë historike që ne të vijojmë punën për realizimin e detyrave të shtëpisë. Duhet ta përmbyllim Kodin Zgjedhor deri në Krishtlindje se padyshim që deri në pranverën e ardhshme edhe ata që janë kundër vijimit të procesit të zgjerimit do kenë ndryshuar mendje se gabimi strategjik duhet korrigjuar menjëherë.
E përshëndes përpjekjen e komisionit për të bërë edhe ndryshimet e domosdoshme në ligjin për financimet politike, se kemi pasur një rast kur kreu i PD është tani në hetim, duhet t’i presim rrugën çdo lloj financimi të dyshimtë”, tha Balla.
