Kryetari i grupit parlamentar të PS-së, Taulant Balla i bën thirrje presidentit Meta që të reflektojë dhe t’i rikthehet zbatimit të Kushtetutës.
Gjatë fjalës së tij në hapjen e “Shkollës së Integrimit Europian”, Balla tha me ironi se më mirë të kemi një Gjykatë me pak anëtarë sesa me shejtanin brenda. Sipas Ballës, Këshilli i Emërimeve në Drejtësi ka vepruar sipas Kushtetutës.
“Do doja ta kisha shmangur sepse nuk doja që debati politik i ditës të marri vëmendje këtu. Kuvendi ka pasur ditën e premte një qëndrim. Kuvendi flet me rezolutë dhe citon qartë yllin polar te orientimit që duhet të kemi të gjithë.
Zbatimi strikt i Kushtetues dhe asnjë pengesë në ngritjen e institucioneve të reja të drejtësisë. Më mirë një Gjykatë me pak anëtar sesa me shejtanin brenda. Kush nuk e beson vettingun nuk e ka me vettingun, por me Reformën në Drejtësi. I them Presidentit të reflektojë, ti rikthehet zbatimit të Kushtetutës, KED ka vepruar sipas Kushtetutës”, tha ai.
