Menjëherë pas mbylljes së seancës parlamentare deputeti i PS-së, Taulant Balla, ka dhënë një prononcim për mediat. Ai tha se opozita po bllokon reformën në drejtësi. Më tej ai shtoi se janë dhunuar deputet të Partisë Socialiste nga opozita.
Balla tha se do të bëj kërkesë në Byronë e Kuvendit për të marrë masa për të gjithë ata deputet që kanë ushtruar dhunë.
“E dëgjuat Monikën e kishte hallin tek duart në xhepa se shqetësimin e tyre dimë. Janë bërë bashkë ata që nga 2014, kanë qenë kundër reformës në drejtësi. Na kanë dhënë një mandat, që nuk mund të na hiqet as me tymuese e as me bidona. Nuk mund ta ndaj PD dhe LSI çështjen e procedurës së zgjedhjes së prokurorit të ri. Fakti që Berisha doli i pari në protestë, duket që Mona dhe Luli nuk e bënin dot dhe doli vet dhe sulmoi Gardën e Republikës. Po të ishte sot për PD dhe LSI nuk do të kishim reformë në drejtësi, nuk do të kishte sot një prokuror të ri. Unë jam shpresë plot se institucionet që punojnë nga Kushtetuta dhe Ligj, dhe KLP do të zgjedh Kryeprokurorin e Përgjithshëm”, tha deputeti socialist.
Ndërsa i pyetur se sa e përshkallëzon kjo marrëdhënien opozitë dhe maxhorancë, Balla ka theksuar se: “Një opozitë që hedh bomba, një opozitë që dhunon deputet të Kuvendit. Deputetët janë goditur me bidona, më vjen keq për atë deputeten e LSI-së që është gjakosur. Është hera e parë që thyhet kaq shumë rregullorja. Byroja e Kuvendit të Shqipërisë do të marre masa për të gjithë ata deputet që kanë dhunuar kolegët e tyre”.
