Votimi i kandidatëve të PD-së për deputetë në Kamëz, ka degraduar në përdorimin e grushteve. Burime të gazetës ‘Tema’ bëjnë me dije se njerëzit e Xhelal Mziut, nuk kanë lejuar të votojnë kundërshtarët.
Dy prej anëtarëve të PD-së që kanë shkuar të votojnë, janë dhunuar nga badigardët e Mziut. Si pasojë e dhunës, Dervin Zalla dhe Jetmir Prenci kanë përfunduar në spital.
Sot rreth orës 18:00 ka përfunduar procesi i votimit të kandidatëve të Partisë Demokratike në Tiranë.
Demokratët e Tiranës iu drejtuan kutive të votimit, për tu shprehur me votë për kandidatët e tyre të preferuar për deputetë.
Anëtarësia e PD u përball me emrat e propozuar dhe konfirmuar nga Komisioni i Vlerësimit të Kandidatëve në PD. 140 kandidatë garojnë në 21 degët e qarkut të Tiranës, për të qenë pjese e listës me 35 emra që Partia Demokratike do të paraqesë për zgjedhjet e 25 prillit të vitit 2021.
