Ervin Salianji akuzon Taulant Ballën si të përfshirë në dosjen ‘Babale’, ku implikohej vëllai i ministrit të Brendshëm Fatmir Xhafaj.
I ftuar në studion e emisionit “Opinion”, Salianji tha se Fredi Alizoti, njëri prej të arrestuarve për audio përgjimin e publikuar nga Partia Demokratike ka disa thirrje telefonike me zotin Balla.
“Në datën 29 ka një përgjim telefonik, zyrtar, i transkriptuar nga prokuroria e Krimeve të rënda. Është kjo video që ne kemi publikuar. Pasi e ka shpjeguar këtu, ky flet me shokun e vetë dhe thotë më është ofruar një gjë e mirë. ‘Kur të vij eee, shoku im nga Librazhdi. Ca do bëjë ja me atë shokun nga Librazhdi jam tani, më dëgjo mua.. Do takojmë Taulantin tani’. Ky ka 8 thirrje me Taulant Ballën”, deklaroi ish deputeti.
Gjithashtu, Salianji ka rrëfyer dhe se si u bë përgjimi nga Albert Veliu me vëllain e ish-ministrit të Brendshëm, ndërsa thekson se në tablatet telefonike të prokurorisë dalin dhjetëra përgjime mes Geron (Agron) Xhafës dhe Babales (Albert Veliut).
“SHISH i ka dhënë Albert Veliut dy përgjues të ndryshëm një usb dhe një çelës, që nuk hapen në asnjë kompjuter tjetër vetën të atyre. Dhe nga këto ka dalë që është Agroni, dhe këta kanë nxjerrë një Agron tjetër.
Të dy telefonin njëri-tjetrin. Geron Xhafaj në ditën e parë, ne e kemi publikuar materialin në datën 14, për ta ruajtur nga ndonjë risk ne e kemi nxjerrë me bashkëpunëtor X. Në datën 15 kur ka shkuar ka bërë kallëzimin Geron Xhafaj, ai thotë se shtetasi që dyshon është Robert Veliu me banim në Vlorë. Thotë që unë e kam refuzuar telefonata nga ai dhe më pas i kam bërë bllok thirrjeve të tij. Ka komunikime hyrëse dhe dalëse, këto janë në dosje të prokurorisë”, tha ish deputeti.
