Zbardhen detaje të reja në lidhje me ekzekutimin mafioz të ndodhur paraditen e sotme në Shkodër. Mësohet se autorët kanë qenë dy persona, të hipur në një motor me anë të të cilit i kanë zënë pritë Ridvan Hysenit.
Si ndodhi vrasja – Ata i kanë dalë para dhe e kanë qëlluar me 20 plumba kallashnikovi, gëzhojat e të cilave u gjetën në vendin e ngjarjes. Më pas, janë larguar nga vendi i krimit, duke hipur edhe në një automjet pak metra më tej. Makina u gjet e djegur vetëm 40 minuta pas ngjarjes.
Fatkeqësisht ata nuk janë kapur nga kamerat e karburantit për shkak se ato nuk kanë funksionuar. Policia ka shoqëruar në komisariat një prej punonjësve të karburantit për të cilin besohet se ka qenë dëshmitar okular. Në vendngjarje janë gjetur 20 gëzhoja kallashnikovi.
Kush është viktima?
Ridvan Hyseni, ka qenë armik me një prej personave më të fortë në Shkodër. Bëhet fjalë për Admir Koçian, i njohur ndryshe si Mir Koçia. Ky i fundit u ekzekutua në mënyrë mafiozë në vitin 2012, duke shkuar me makinë në shtëpi Koçia ishte i dyshuar nga policia për vrasjen e Çim Cafit, Astrit Meshnunit si edhe disa krime të tjera të ngjashme, të cilat nuk u vërtetuan asnjëherë.
