Lidhur me rastin e Vlorës, ku paraprakisht dyshohej se një 50-vjeçar ishte plagosur me armë zjarri në dorë, detaje të reja kanë dalë në dritë. Burime për “abcnews.al” bëjnë të ditur se bëhet fjalë për një atentat.
Mësohet se një person me kapuç në kokë, ka qëlluar dhe më pas është larguar me makinë.
Ngjarja e rëndë ka ndodhur në Selenicë, ku është plagosur në dorë një 50-vjeçar, i cili për fat të mirë i ka shpëtuar pjesës tjetër të plumbave. “Abcnews.al” mëson se bëhet fjalë për Jetnor Xhaferrajn.
Ky shtetas rezulton të jetë person i skeduar nga policia. Nga ana tjetër, uniformat blu kanë nisur hetimet. Burime bëjnë të ditur se pista ku po hetohet është ajo e hakmarrjes.
