Kreu i Grupit Parlamentar të PS, Taulant Balla, është shprehur në një prononcim për mediat se shembja e godinës së Teatrit Kombëtar, ishte e duhura. Balla ka hedhur akuza për opozitën, të cilët sipas tij, qajnë ditën dhe qeshin natën. Madje ai tha më tej me ironi se ata atë punë kanë. Ku protestojnë jo për qytetarët, por për qëllimet e tyre partiake.
“Më në fund ne jemi gati për ti dhuruar Shqipërisë një Teatër, siç i ka hije. Për të gjithë ata që qajnë ditën e qeshin natën, doja ti thoja që ish-godina u nis si kazermë dhe nuk i bënte nder askujt.
Ashtu si në 100 vjetorin e Tiranës kryeqytet, janë bërë shumë ndërtime, godina. Para 3-4 vitesh protestohej nga ana opozitës kundër parkut të lojërave dhe stadiumit. Këta këtë punë kanë.
Së pari, lidhur me referendumin në demokraci, populli lëviz me përfaqësim. Nëse do kishte pasur një kërkesë me referendum, do të ishte mirë. Shqiptarët ta dinë një herë e mirë se Luli dhe Monika po ta kishin hallin te Teatri, do flinin aty. Ju lutem, në demokraci vendos shumica. Ajo që ka rëndësi është se ne jemi në 100-vjetorin e Tiranës dhe Tirana ka nevojë për ndryshime. Ditën e diel është ekzekutuar një vendim ligjor, dhe Parlamenti Europian është mbledhur online”, tha Balla.
