Analisti dhe drejtuesi i emisionit “360 Gradë” në “RTV Ora”, Artur Zheji ka bërë një deklaratë shumë të fortë ditën e sotme teksa ka folur për dorëheqjen e kreut të qeverisë Edi Rama.
Ai theksoi se Rama lajmin e dorëheqjes ia ka thënë njërit prej miqve të tij më të ngushtë Baton Haxhiut, në mënyrë që ai ta thotë publikisht në media.
“Masiviteti është shumë i madh. Ka një gëzim të brendshëm në protestë dhe gëzimi vjen nga bindja se Rama shpejt do të japë dorëheqjen. Ky gëzim i protestës është sepse lajmi vibron në protestë. Rama e ka gjetur rrugëdaljen.
Do të ketë një dakordësi të thellë të niveleve shumë të larta dhe një sistem garancish që mund të kemi një dalje nga skena në mënyrë paqësore. Nëse vutë re një lajm që ka bërë xhiron e rrjeteve, një nga miqtë e tij më të ngushtë dhe këshilltarët e tij më jetëgjatë Baton Haxhiu foli dje për fundin politik të Ramës. Ai nuk e ka thënë se e ka menduar, ai e ka thënë se Rama ja ka thënë ta thotë.
Po përgatit terrenin për largimin e Ramës dhe kjo është perceptuar me shumë gëzim nga protesta. Duket se protesta nuk po mbahet me qëllimin që Rama të rrëzohet, por për të festuar që Rama u rrëzua. Rama u rrëzua, është gëzimi i kësaj proteste. Dorëheqja është një rrugë e kërkuar nga kryeministri sepse ka shkuar drejt të pamundurës në mënyrë shumë transparente”, tha Zheji në studion e “RTV Ora”.
