Referuar ezekutimit të dy vëllezërve sot në Shkodër, gazetari Artan Hoxha thotë në shenjë këmbane alarmi se ngjarja e sotme nuk ishte gjë tjetër veçse kronika e një vrasje të paralajmëruar.
Ai e cilëson policinë e Shkodrës si një ndërmarrje funerale, e cila mbledh kufoma rrugëve të qytetit, pasi deklaron se autorët janë të panjohur. Teksa rikujton atentatet e ndodhura së fundmi, Artan Hoxha njofton se vetëm në 8 muaj janë shënuar 11 viktima, asnjë vrasje e zbuluar, asnjë emër autori dhe asnjë vrasës në burg.
Po kështu ai ka edhe një apel të hapur ndaj drejtuesve në policinë e Shkodrës, që të japin dorëheqjen pas kësaj kasaphane. Gazatari lëshon ‘bombën’ duke thënë se shkodranët e dinë se kush janë vrasësit dhe në çfarë drejtimi kanë shkuar, por askush nuk lëviz për ti dhënë drejtim kësaj çështje tragjike.
