Pas shumë aludimeve lidhur me largimin e Arbana Osmanit nga “Top Channel”, tashmë është hedhur dritë mbi këtë zhvillim që ka ndodhur këto ditë. Moderatorja nuk ka qenë aspak dakord që studion e emisionit të saj, t’ia ofronte dhe Renato Mekollit.
Kaq ka mjaftuar që të shpalleshe ‘një luftë e hapur’, dhe ajo të zhdukej për dy ditë. U përfol për një debat mes saj dhe Ben Blushit, e ndërsa tashmë çdo gjë është sqaruar, për të vijuar më tej me projektet të dy palët.
Lajmi për largimin u mohua më pas, por e pati një të vërtetë brenda, faktin që Arbana u largua për t’u rikthyer sërish në televizion pas dy ditësh negociata dhe pasi u përmbushën kushtet e saj.
U tha se arsyeja e debatit ishte kërkesa e saj për një vlerësim më të lartë monetar, por “iconstyle.al” ka zbuluar një tjetër arsye për pakënaqësitë që ka pasur Arbana në ambientet e televizionit.
Arsyeja e largimit të moderatores nga televizioni lidhet me Renato Mekollin, dhe emisionin e tij të gatimit.
Po të njëjtat burime shtojnë se gjysmën e sezonit të “Dua të të bëj të lumtur”, studion e Arbanës do ta shfrytëzojë Renato për emisionin e ri të gatimit të fëmijëve që do të startojë në prill.
Siç duket, Arbana nuk ka qenë dakord që të shfrytëzohej studioja e saj, ndaj dhe ka negociuar me drejtuesit e televizionit.
