Gjykata e Posaçme e Shkallës së Parë për Korrupsionin dhe Krimin e organizuar ka rikonfirmuar sot masat e sigurisë për 6 personat e akuzuar për ekzekutimin e Jan Prengës.
Raportohet se gjyqtarja Flora Hajredinaj ka vendosur që Bajram Hajri, Leonard Hajri, Olsi Turja, Elton Hajri, Festim Bixhdili dhe Ardian Doçaj të qëndrojnë në burg.
Kujtojmë se Jan Prenga u rrëmbye më 17 janar në zonën e Kamzës dhe humbi jetën nga torturat. Trupi i tij nuk është gjendur ende.
Sipas hetimeve, rrëmbimi dhe vrasja e tij erdhën pas konflikteve për drogën mes grupit Hajri dhe vëllezërve të viktimës në Angli.
