Moderatori Arjan Çani ka hedhur disa hipoteza lidhur me kryeministrin Edi Rama dhe kryediplomatin Nikos Dendias, duke pohuar se të dy janë të afërm me njëri-tjetrin për shkak të prejardhjes. Arjan Çani tha se ka lajme që qarkullojnë në media, ku thonë se Dendias është me origjinë nga Shqipëria.
I ftuar në emisionin “Open”, Çani tha se Rama është i afërm me ministrin grek. “Ka lajme që qarkullojnë në mediat ku tregojnë se Dendias është më origjinë nga Shqipëria, nga fshati Vunoi dhe familja e tij ka pasur mbiemrin Dede.
Madje mund të jenë kushërinj me Ramën, pasi Rama e ka origjinën nga mamaja nga fshati Vuno. Rama flet edhe greqisht, por zemra i rreh nga Turqia. Mes qytetarëve dhe barbarëve Rama do zgjedh barbarët. Ky është një parashikim i imi”, tha Çani.
