Rrjetet sociale kanë shpërthyer pas videos së bërë publike nga Ardi Veliu. Në shenjë ‘hakmarrje’, ata kanë publikuar disa meme, ku vënë në lojë figurën e kreut të policisë.
Duke mbrojtur dhunën e policisë ndaj 15-vjeçarit, Veliu u përfshi në një skandal edhe më të madh. Ai tentoi që të baltoste padrejtësisht nënën e 15-vjeçarit, dhuna ndaj të cilit bëri xhiron në rrjetet sociale dhe në media.
Zaida Çobo, nëna e djalit të rrahur nga disa policë, thotë se është ndjerë e tmerruar nga video që ka nxjerrë drejtori i Policisë së Shtetit, Ardi Veliu. Çobo tha se përgënjeshtron gjithçka, dhe se pamjet ishin marrë në rrjetin e saj social, teksa po xhironte një film.
