Shumë emisione në Shqipëri kanë ndërprerë transmetimet, pas rasteve të para me koronavirus.
Një prej tyre është edhe “Dua të të bëj të lumtur”, nga Arbana Osmani. Moderatorja tregon se merr çdo ditë mesazhe, ku e pyesin se kur do të fillojë emisioni.
E lodhur nga kjo situatë, ajo i ka kthyer një përgjigje të gjithë personave të interesuar. Arbana njofton se “Dua të të bëj të lumtur”, do të rikthehet në ekran sapo të qetësohet situata.
“Për të gjithë ata që më pyesin çdo ditë (çdo orë e çdo minutë), “Dua të të bej të lumtur” do të kthehet në ekran sapo situata të jetë qetësuar, dhe kushtet të jenë të favorshme dhe ambjenti i sigurt për personazhet dhe punonjësit tanë”, shkruan Arbana.
