Kreu i Grupit Parlamentar të PS, Taulant Balla, ka dalë kundër vendimit të televizionit publik shqiptar RTSH, për të blerë ndeshjet e “Champions League”.
Gjatë fjalës së tij në Kuvend, Balla sqaroi se nuk është dakord që ky televizion të blejë ndeshjet e kategorisë së tretë, me një vlerë prej 1.8 milionë eurosh.
Sipas tij, këto para duhet të ishin përdorur për të fuqizuar sinjalin, pasi ndeshjet e futbollit janë luks.
“Nuk e di pse duhet të harxhojë 1.8 milionë Euro televizoni publik që të blejë Champions League, ndeshjet janë në sektorin e luksit. Qytetarët mund të jetojnë pa parë ndeshjet e Champions League, por them se do jetonin edhe më parë pa i parë.
Këto para mund t’i kishit përdorur për të blerë pajisje për të fuqizuar sinjalin e transmetimit. Nuk e kuptoj si mund të shpenzohen kaq shumë para për të blerë ndeshjet”, tha ai.
Gjithashtu, Balla kërkoi edhe anulimin e kontratës, duke u shprehur se nuk i bën nder televizonit publik.
“Nga banorët kemi pafund ankesa. 1.8 mln euro për Champions Leaguen nuk janë shpenzim që i bëjnë nder TVSH. Asnjë televizion publik shtetëror nuk harxhon para për këtë. I bëj thirrje TVSH të anulojë këtë kontratë që nuk i bën nder askujt, është shpenzim i kot”, shtoi ai.
