Këngëtari Rigels Rajku, i njohur nga të gjithë si Noizy, ka reaguar kundër ardhjes së këngëtarit serb, Goran Bregoviç, në Festivalin e Birrës në Korçë. Këngëtari serb, që dikur iu këndonte ushtarëve vrasës serbë për masakrat që bënin kundër shqiptarëve të Kosovës, është i ftuar si mysafir special në festivalin që mbahet çdo vit në Korçë.
Duke marrë shkas nga ky zhvillim, Noizy ka kërcënuar me dhunë nëse Goran Bregoviç vjen e këndon në Shqipëri.
“Anulojeni atë ose do të nxis fansat, ashtu siç nxiti ai në luftën e Kosovës, shishe birra kokës çuna e dini vet ju”, ka shkruaj ai në Insta Story. “Shishet plot, jo bosh se desh harrova”, shprehet më tej ai.
Noizy thotë se Dua Lipa është një personazh mjaft i dashur për shqiptarët, dhe se e njeh gjithë bota. Ndaj zgjedhja ideale do të ishte ajo.
“Dua Lipa ësht këtej… plus e njeh e gjithë bota… thirreni atë”, përfundoi ai.
