E shtunë, 12 Qershor, 2021
27.5 C
Tirana

Antidepresantët, si e shtojnë rrezikun për shtimin e diabetit

Ilaçet që përdoren për të kuruar depresionin mund të kthehen në një rrezik për shtimin e diabetit. Sipas një studimi të gazetës “Diabet Care” të Shoqatës  Amerikane të Diabetit në SHBA, mjekët duhet të jenë të kujdeshëm në dhënien e recetave për pacientët e Diabetit të Tipit 2, pasi antidepresantët mund të shtojnë rrezikun për këtë sëmundje.  (Diabeti i tipit 2 është një çrregullim metabolik, që shkaktohet nga pamundësia e trupit për të prodhuar insulinë apo për ta përdorur atë si duhet). Sipas studimit Ilaçet kundër depresionit janë një nga drogat më të përdorura zakonisht në Amerikë,  ku  1 në 10 njerëz i marrin ato çdo ditë.

Hulumtuesit arritën në këtë konkluzion pasi analizuan të dhënat nga 22 studime, që përfshinte më shumë se 1 milion pacientë, dhe zbuluan se ata që përdorin antidepresantë – janë në një rritje të rrezikut të Diabetit të Tipit 2. Megjithëse, arsyeja për rritjen e rrezikut është e paqartë, studiuesit thonë se gjetjet duhet të merren parasysh kur bëhen përshkrimet e recetave të këtyre ilaçeve. “Hulumtimi ynë tregon se kur keni marrë me vete të gjithë faktorët klasikë të rrezikut të Diabetit Tip 2 – shtim peshe, mënyra e jetesës, etj – dhe ka diçka në lidhje me ilaçet kundër depresionit që duket të jetë një faktor i pavarur rreziku”, shkruante Katharine Barnard, autore e studimit dhe psikologe shëndetësore në Universitetin e Southampton në Britani të Madhe.

Por, Scott Drab, një specialist diabeti dhe profesor i farmacisë dhe terapisë në Universitetin e Pittsburgh School of Pharmacy, thotë se mjekët kanë qenë duke marrë rrezikun në konsideratë për vite, por është e paqartë nëse ilaçet kundër depresionit kanë shkaktuar diabet ose anasjelltas. “Kjo lidhje nuk është e re”, thotë Dr Drab duke shtuar se, “Problemi është se ne nuk e dimë me siguri se çfarë është mekanizmi që shkakton rritjen e rrezikut. Njerëzit me diabet kanë tendencë të kenë norma të larta depresioni, kështu që pyetja është: a jemi duke e trajtuar diabetin tek njerëzit që nuk e dinë se kanë diabet?”

Joel Zonszein, Drejtor i Qendrës Klinike Diabetit në Spitalin Montefiore në New York City, ka thënë se nuk ka një lidhje mes diabetit dhe ilaçeve kundër depresionit, por është larg nga një lidhje shkakësore. “Kjo është një situatë e pulës dhe vezës”, thotë Dr Zonszein. “Ne nuk e dimë nëse depresioni ose sheqeri i lartë në gjak vjen i pari. Nuk ka asnjë provë të vërtetë të shkakut”. Sipas tij, kjo nuk do të thotë që mjekët nuk duhet të marrin në konsideratë rrezikun kur bëjnë përshkrimin e recetave. “Duhet të jemi shumë të kujdesshëm në përdorimin e ilaçeve kundër depresionit. Kemi nevojë për t’i monitoruar këta pacientë. Edhe para recetës së dhënë, psikiatri duhet  të urdhërojë një test gjaku dhe të shikojë rrezikun për diabet tek pacienti” shkruan Zonszein, duke shtuar se “Mjekët duhet të shohin në të gjitha faktorët e rrezikut dhe të vendosin nëse pacientët kanë vërtet nevojë për mjekim.”

Ndërkohë Scott Drab është dakord dhe pranoi se në shumicën e rasteve, përfitimet e ilaçeve kundër depresionit peshojnë më shumë se rreziku i diabetit. “Ne duhet të jemi të ndërgjegjshëm për rrezikun, por është e rëndësishme të mbahet në mend se depresioni është shumë i vështirë për t’u trajtuar. Shpesh merr disa përpjekje me droga të ndryshme. Unë nuk do të kisha dëshirë ta shikoja dikë duke mos u kuruar nga depresioni, sepse doktorët janë shumë të vetëdijshëm për këtë rrezik”, shkruan Drab.

Shenjat paralajmëruese të diabetit të tipit 2

Shpesh, njerëzit me diabet të tipit 2 s’kanë shenja të qarta paralajmëruese. Nuk

përjashtohet që të kenë ndonjë prej simptomave të mëposhtme të tipit 1:

– Infeksione të shpeshta

– Turbullim shikimi

– Plagë që mezi mbyllen

– Mpirje të duarve apo këmbëve

– Etje të pazakontë

– Urinim të shpeshtë

– Uri të jashtëzakonshme

– Humbje të pazakontë në peshë

– Lodhje të përgjithshme

– Gjendje të përgjithshme të irrituar

 

Cilët rrezikohen të vuajnë nga diabeti i tipit 2?

– Njerëzit mbi moshën 45 vjeç.

– Ata që e kanë diabetin të trashëguar nga familja.

– Ata që vuajnë nga mbipesha.

– Ata që nuk kryejnë aktivitet fizik të rregullt.

– Disa grupe etnike dhe racore (amerikano-afrikanët, amerikano-hispanikët,

amerikano-aziatikët dhe indianët amerikanë).

– Gratë që kanë pasur diabet shtatzënie apo që kanë lindur fëmijë mbi peshë./ Tirana Today

 

- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...