Bukajo Saka është njeriu më i urryer për tifozerinë angleze. 19-vjeçari humbi penalltinë ndaj Italisë, ku këta të fundit u shpallën kampionë europe mbrëmjen e djeshme në Londër.
Në rrugët e kryeqytetit anglez, tifozët duken të frustruar dhe të nxehur pas asaj 11-metërshi dhe në rrugë kanë kapur një person që kishte ngjashmëri me sulmuesin anësor të Arsenalit.
Në pamjen e cila u bë virale duken fansat e kombëtares së “3 Luanëve” teksa e godasin, por më pas kuptuan se kishin ngatërruar person. Një situatë e pahijshme kjo duke parë se Saka tani është njeriu më i sulmuar për momentin.
England fans attacked man thinking it was Bukayo Saka!!! Wtf is wrong with people? ? pic.twitter.com/EfMc2w2QY4
— K ? (@Supportblkk) July 11, 2021
19-vjeçari Saka mori një lumë kritikash, por edhe shokët e skuadrës së tij të cilët u akuzuan se nuk duhet ta linin Sakan të gjuante penalltinë.
Legjenda Roi Kin u shpreh para mikrofona të ”Sky Sport” me fjalë mjaft kritikuese për Anglinë: ”Ju nuk mund ta linit një 19-vjeçar të ndrojtur të gjuajë para jush. Ata kanë shumë më shumë përvojë, Sterling ka fituar trofe, atyre iu desh të dilnin para fëmijës së ri dhe të ngriheshin në këmbë’’, por kësaj kritike ka menduar t’i përgjigjet vetë mesfushori i Anglisë, Xhek Grilish.
Nëpërmjet një statusi në ‘’Twitter’’, mesfushori shkroi se vullneti i tij ishte të gjuante penallti, por ishin zgjedhjet e trajneri ato që e penguan.
