Prej 22 nëntorit 2005, kancelarja gjermane Angela Merkel ka qenë liderja kryesore e Bashkimit Evropian. E lindur në perëndim, por e rritur në lindjen komuniste, Merkel i ngjiti shpejt shkallët e karrierës. Kjo falë mbështetjes së kancelarit legjendar Helmut Kol.
Por kur ky u përfshi në një skandal korrupsioni në vitin 1999, Angela e braktisi, duke marrë vetë drejtimin e CDU-së.
Politikat e saj të kujdesshme, e forcuan shumë ekonominë gjermane. Pas krizës financiare të viteve 2008-2009, ajo u bë shumë e urryer në Evropë, sidomos në Greqi, për shkak të masave të kursimit që imponoi si kusht për dhënien e ndihmës.
Në vitin 2015, imazhi i saj në kontinent ndryshoi, kur vendosi të pranojë mbi 1 milionë refugjatë, kryesisht sirianë. Dy vite më parë, ajo vendosi të mos rikandidonte më për një mandat të pestë, ndaj do të lërë detyrën në vjeshtën e vitit të ardhshëm, pas plot 16 viteve, kur e ka dominuar në të gjitha aspektet Gjermaninë dhe Evropën.
TIRANA TODAY
