E enjte, 21 Tetor, 2021
12.5 C
Tirana

Analiza/ Superliga ka ndarje asimtrike, futbolli i jugut në krizë

Kampionati më i lartë i futbollit në Shqipëri, Superliga, luan javën e fundit të mërkurën e 26 majit. Titulli kampion dhe skuadra e dytë që bie në Kategorinë e Parë mbeten ende për t’u zyrtarizuar.

Një Superligë me 10 ekipe ka treguar se ekipet që ngjiten nga e para e kanë shumë të vështirë të mbijetojnë dhe për pasojë Apolonia e pësoi e para këtë sezon. Apolonia ishte dhe skuadra që u ngjit nga “grupi i Jugut” vitin e kaluar në superiore dhe rrëzimi i fierakëve sjell një fenomen interesant në lupën e vëzhgimit; atë të ndarjes veri-jug në Superligë dhe fenomenin tragjik të rënies së qyteteve të mëdha.

Veri-Jug, Superliga ka ndarje asimtrike

Veriu i Shqipërisë përfaqësohet në Superligë me 4 skuadra aktualisht: Vllaznia e Shkodrës, Kukësi, Kastrioti Krujë dhe Laçi (dy prej të cilëve janë në garë matematikisht për titull në javën e fundit).

Shqipëria e mesme ka prezencë me Tirana, Partizani dhe Teutën e Durrësit, me këto dy të fundit që pretendojnë titullin javën e fundit. Nga viti i ardhshëm, Dinamo i kryeqytetit dhe Egnatia e Rrogozhinës i bashkohen Superligës dhe kështu Shqipëria e mesme do të përfaqësohet nga plot 5 skuadra në kampionat, thënë ndryshe 50% e pjesëmarrësve.

Jugu gjendet në pikë të hallit! Dinamo dhe Egnatia ngjiten në vendet e Apolonisë dhe me gjasa Bylisit. Nëse Bylisi bie, Skënderbeu mbetet ekipi i vetëm nga Jugu në kategorinë maksimale të futbollit në vend. Edhe në sezonin aktual, jugu u përfaqësua me 3 skuadra të cilat kanë luajtur për mbijetesë gjatë gjithë kohës.

Nëse Bylis ia del me ndihmën e një kombinimi të vështirë faktorësh të mbijetojë, Superligës nuk i mbetet Skënderbeu si i vetmi ekip jugor sezonin e ardhshëm, por nëse Kastrioti qëndron, supozojmë se fiton dhe ndeshjen shtesë, konfigurimi i Kategorisë Superiore 2021/2022 do të jetë: veriu 4 skuadra, Shqipëria e mesme 5 dhe ugu 1.

Në kategoritë inferior vëzhgimi merr tjetër përforcim kur syri të shkon tek Flamurtari që do të luajë ndeshje shtesë për të mos rënë në të dytën apo Luftëtari që falimentoi dhe e nisi nga viti 0. Berati dhe Pogradeci nuk e luftuan dot Egnatian për ngjitjen.

Lushnja është në grupin e skuadrave që luajtën për të mbijetuar në të parën.

Qytete të mëdha në kategoritë inferiore

Elbasani 129 mijë (Ra në Kategorinë e Dytë)

Vlora 142 mijë (Play out për të mbijetuar në të parën)

Fier 90 mijë

Kamza 88 mijë  (Nuk dihet ku luan)

Berati 62 mijë

Lushnje 54 mijë

Saranda 46 mijë

Kavaja 41 mijë

Pogradec 38 mijë

Gjirokastra 33 mijë

Lezha 30 mijë

Më sipër janë listuar disa nga qytetet e Shqipërisë që nuk përfaqësohen në Superligën Shqiptare sezonin e ri 2021-2022 së bashku me numrin e banorëve për secilin qytet.

Shifrat e populsisë janë marrë vetëm për qytetet pa llogaritur fshatrat përreth dhe vihet re që përtej kryeqytetit ka shumë probleme përsa i përket ekipeve të qyteteve sidomos në jug. /Totila Kotorri-Tirana Today

- Reklama -

Më shumë nga kategoria




Të fundit

Veshka e derrit transplantohet te njeriu (FOTO)

Për herë të parë, një veshkë derri është transplantuar në një njeri, pa shkaktuar refuzim të menjëhershëm nga sistemi imunitar i marrësit, një përparim...

Shpërthim i fuqishëm gazi në Kinë/Publikohen pamjet ‘apokaliptike’ (VIDEO)

Të paktën 3 persona u vranë dhe më shumë se 30 u plagosën në një shpërthim të fuqishëm në një restorant, në qytetin verilindor...

Evi Kokalari i publikon dokumentin Bashës: Të nis një investigim për këto afera

Që kur u shfaq në "Foltoren" e Sali Berishës si një mbështetëse "amerikane" e ish-kryeministrit në “luftën” e tij kundër SHBA-së, Evi Kokalari nuk...

Thellohen spastrimet në PD/Luan Baçi largohet nga kreu i degës në Fier

Lulzim Basha ka marrë një tjetër vendim, për të shkarkuar një tjetër emër nga radhët e PD-së. Dita-ditës, kryedemokrati po fakton se mbetet i...

PD e vendosur për t’i shkuar deri në fund çështjes “Becchetti”

Pak kohë më parë, Gjykata Europiane e të Drejtave të Njeriut në Strasburg ka dënuar Shqipërinë me 110 milionë euro, për konfliktin me biznesmenin...