Analisti i njohur, Artur Zheji ka komentuar zhvillimet e fundit në Partinë Demokratike, teksa tashmë janë zyrtarizuar dhe 4 kandidatët të cilët do të garojnë për postin e kryetarit më 13 qershor.
I ftuar në emisionin ”Pikat mbi i” në ”News 24”, Zheji u shpreh se beteja politike në selinë blu do të jetë e ashpër, pas futjes në garë të deputetit Agron Shehaj dhe ish-zv.ministres së Jashtme, Edit Harxhi.
Sipas Zhejit, kryetari aktual Lulzim Basha është i avantazhuar në këtë proces, por pas shpalljes ”non grata” të ish-kryeministri Sali Berisha nga Departamenti Amerikan të Shtetit, brenda PD mund të ketë ”përgjakje” politike.
Artur Zheji: ”Mendoj se beteja politike në PD do jetë e ashpër, sidomos me Agron Shehaj dhe Edith Harxhi. Harxhi ka goditur kryetarin aktual të PD-së nën brez. Mendoj se Harxhi do përdori të gjithë armët e veta. Kur bëri ndarje Jozefina Topalli, edhe të tjerët nuk e kanë problem ta bëjnë. E dyta është edhe Agron Shehaj, që vjen nga biznesi. Shehaj do të sulmojë siç sulmon në treg konkurrentët. Më xhentilmeni nga këta është Kadilli. Sigurisht që ka avantazhe Lulzim Basha, Thikat pas shpine kanë dalë, nuk është çdo gjë rozë. Basha ka pasur mbrojtje të Berishës, ndërsa pas shpalljes non grata të Berishës, besoj do ketë kacafitje të shëndetshme. Do ketë përgjakje politike.”
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edi Harxhi, Agron Shehaj dhe Fatbardh Kadilli.
