Analisti i njohur, Arjan Çuri ka bërë një deklaratë të fortë në emisionin “Zonë e Lirë”, ku tha se të dielën e kaluar, kryeministri Edi Rama, kryetari i Partisë Demokratike Basha dhe Presidenti Ilir Meta, janë takuar në të njëjtin restorant.
Çuri u shpreh se të tre politikanët kanë lëvizur pa shoqërues dhe u takuan në të njëjtin restorant, ku qëndruan për rreth 3 orë.
“Ajo që kam unë informacion është se javën e kaluar në një ditë dhe orë të caktuar të tre personazhet e rëndësishëm të politikës, presidenti, kryeministri dhe kryetari i opozitës lëvizën pa shoqërues duke i dhënë makinave të tyre, pa shoqërues. Të tre në të njëjtën ditë, në të njëjtën orë, të dielën, kanë bërë një lëvizje të befasishme. Mund të kemi indicie të një takimi sekret Meta-Basha-Rama, këtë të diel që kaloi. Unë vë në dyshime që janë takuar apo jo. Studentët e mi që u kam dhënë mësim ma dhanë këtë informacion, një brez i studentëve të mi në të njëjtën klasë vendosën të ndjekin kursin e Gardës së Republikës, e filluan, e mbaruan.
Njëri u caktua tek Basha, njëri tek Rama dhe tjetri tek Meta. Të tre më thanë profesor ‘ti po komenton kot atje apo këta me një marrëveshje po vendosin kush do e marri rradhën?’ Të tre më thanë që në të njëjtën orë dhe në të njëjtën ditë, të dielën, kanë kërkuar që shoqërimi i tyre të pezullohej. Janë kthyer pas tre orësh. Në të njëjtin qytet dhe në të njëjtin restorant”, tha Arjan Çuri.
