Një grua nga Florida e Shteteve të Bashkuara e cila jeton në lidhje poligamie me katër burra, është në pritje të fëmijës së parë.
Tory Ojeda, 20 vjeçe, u takua me njërin nga partnerët, Marc-un, 18 vjeç, kur ishte në shkollë të mesme, ndërsa më pas hyri në lidhje me Travis-in, 23 vjeç.
Në korrik të këtij viti, ajo u fejua zyrtarisht me partnerin e dytë.
Amerikania më vonë u lidh me Ethan-in, 22 vjeç dhe në fund me Chris-in, gjithashtu 22 vjeç.
Ajo mbeti shtatzënë gjatë pushimeve me Chris-in, që nënkupton se ai është babai biologjik i fëmijës. Ajo jeton në të njëjtën shtëpi me katër burrat, të cilët e kanë nga një dhomë të veçantë, shkruan “gazetaexpress”.
