Analisti Baton Haxhiu dhe ish-ambasadori i Shqipërisë, Agim Nesho, kanë debatuar mbrëmjen e djeshme në “Opinion”, për rolin e ndërkombëtarëve në vendin tonë. Teksa kanë komentuar deklaratat e presidentit Ilir Meta ndaj ambasadores amerikane, Yuri Kim, më tej debati ka kaluar në personale. Baton Haxhiu u shpreh se marrëdhënia është me institucionet. Sipas tij, ajo që ka shkruar Nesho dhe ajo që thotë në studio, tregojnë dy realitete krejt të ndryshme.
Debati
Baton Haxhiu: Fryma e asaj që po ndodh është rrjedhojë e diskursit që ka krijuar komunitetit ndërkombëtar ndaj presidentit Meta.
Agim Nesho: Kush?
Baton Haxhiu: Nuk ka më të madh në këtë vend ku jam sesa ambasadorja amerikane.
Agim Nesho: Do të na futësh në konflikt me ambasadoren.
Baton Haxhiu: Po e dëgjove me vëmendje, ajo tha popullit amerikan. Popullit amerikan nuk i ha qoshja. Marrëdhënia është me institucionet. Ata përfaqësojnë popullin, dhe me vende e institucione. Jo me mua, as me ty. Ajo që ke shkruar dhe ajo që thua në studio janë dy Nesho. Nuk më rrinë. Nesho i librit dhe ai në studio nuk më rrinë.
Agim Nesho: Ka mendimin e tij. Më bëri reklamë për librat, se nuk i blen njeri. Le të shkojnë t’i blejnë.
