Pasi takimit të djeshëm me kryetaren e LSI-së Monika Kryemadhi, ambasadorja amerikane ka vizituar sot Kuvendin e Shqipërisë. Mësohet se në kuadër të takimeve prezantuese, Yuri Kim ka zhvilluar një takim me kreun e grupit parlamentar të PS-së, Taulant Balla.
Në thelb të takimit ka qenë angazhimi personal i ambasadores dhe i shtetit amerikan me vijimin e reformës në drejtësi. Mësohet se gjatë takimit janë diskutuar edhe problematika të tjera të aktualitetit, kryesisht për përplasjet që Kuvendi ka pasur me presidentin e Republikës, Ilir Meta për zgjedhjen e anëtarëve të Gjykatës Kushtetuese.
Gjatë javës së kaluar ambasadorja ka takuar të gjitha personalitetet kryesore politike në vend.
