Kryesore

Ambasadorja e re e SHBA-së paralajmëron ndryshimin e madh


               Publikuar në : 18:49 - 28/01/20 M S

Ambasadorja e SHBA-së në vendin tonë, Yuri Kim, ka mbajtur takime prezantuese me Ministrin në Detyrë të Punëve Europiane dhe të Jashtme Gent Cakaj, Ministren e Mbrojtjes Olta Xhaçka dhe Ministren e Drejtësisë, Etilda Gjonaj.

Ambasadorja ka rikonfirmuar angazhimin e SHBA në ndihmë teknike për zbatimin e Reformës në Drejtësi. Po kështu ajo ka premtuar mbështetje të vazhdueshme për rrugën e Shqipërisë drejt anëtarësimit në BE.

Njoftimi

Ambasadorja e Shteteve të Bashkuara zhvilloi sot takime prezantuese me Ministrin në Detyrë të Punëve Europiane dhe të Jashtme Gent Cakaj, Ministren e Mbrojtjes Olta Xhaçka dhe Ministren e Drejtësisë Etilda Gjonaj. Gjatë takimeve, Ambasadorja Kim shprehu vlerësimin e thellë të Shteteve të Bashkuara për kontributet e Shqipërisë si një aleate e NATO-s dhe mbështetjen e saj të rëndësishme në misionet tona të përbashkëta.

Ambasadorja gjithashtu rikonfirmoi angazhimin e Shteteve të Bashkuara në ndihmë teknike për zbatimin e Reformës në Drejtësi dhe premtoi mbështetje të vazhdueshme për rrugën e Shqipërisë drejt anëtarësimit në Bashkimin Europian.

Ambasadorja e re e Shteteve të Bashkuara të Amerikës, Yuri Kim, mori një ditë më parë detyrën. Ajo i dorëzoi zyrtarisht letrat kredenciale për marrjen e detyrës pranë presidentit të Republikës, Ilir Meta.

Kim shprehu padurimin për të nisur nga puna me drejtuesit e shtetit shqiptar, për të luftuar në mënyrë të veçantë korrupsionin, por dhe për të çuar më tej reformën në sistemin e drejtësisë.

 


Kthehu
WhatsApp Denonco ne TT