Ambasadorja e SHBA-ve në Shqipëri, Yuri Kim, ka zhvilluar sot një takim me ministren e Mbrojtjes, Olta Xhaçka.
Dy zyrtaret vizituan një prej vendeve ku bëhet asgjësimi i municioneve që drejtohet nga Zyra e Bashkëpunimit Ushtarak.
“Sot, Ambasadorja Kim dhe Ministrja e Mbrojtjes Xhaçka, vizituan një prej projekteve të shumta për asgjësimin e municioneve në Shqipëri, drejtuar nga Zyra e Bashkëpunimit Ushtarak. Nën programin e Ndihmës Humanitare të Minave, të Komandës Evropiane të Sh.B.A. (EUCOM), Shtetet e Bashkuara po punojnë me partnerët shqiptarë për të minimizuar rreziqet dhe ndikimet e mbetjeve eksplozive të luftës. Ky është vetëm një shembull se si partneriteti amerikan-shqiptar për mbrojtjen po e bën Shqipërine një vend më të sigurt për të jetuar”, shkruhet në postimin e ambasadës në rrjetet sociale.
