Ambasadori i Bullgarisë në vendin tonë, Momtchil Stoyanov Raytchevski, foli nga Bilishti për situatën dramatike, në të cilën ndodhet Shqipëria pas tërmetit tragjik të 26 nëntorit.
I pyetur nga gazetarët se cila është ndihma e qeverisë bullgare për popullin shqiptar në këto momente të vështira, ambasadori deklaroi: “Për fat të keq, do të isha i lumtur që të shikoja ndihmën bullgare për raste të tjera jo për këtë tragjedi, ku ka edhe viktima dhe njerëz që vuajnë.
Bullgaria, si dhe shtetet e tjera nga rajoni dhe BE dhe mbarë bota, reagoi në mënyrë humanitare, ne siguruam që erdhi ndihmë materiale në kuadër të mekanizmit europian për mbrojtje civile.
Më pas erdhi grupi i parë i inxhinierëve bullgarë, të cilët së bashku me kolegët e tyre, inxhinierët shqiptarë, bënë analizën e godinave. Dje erdhi ekipi i dytë, unë personalisht i kam shoqëruar deri në Durrës.
Përveç kësaj, shteti bullgar siguroi që ditën e parë të tërmetit 100 mijë euro që u dërguan në Shqipëri, përsëri përfitoj nga rasti të them që
Shqipëria nuk përjetoi vetëm këtë tërmet. Bullgaria dha ndihmën edhe për një nga shtëpitë e fundit që i kishte mbetur Korçës për t’u rindërtuar dhe kjo shtëpi është në Vidohovë”.
