Ambasada Amerikane në Tiranë ka përshëndetur tryezën e sotme të reformës zgjedhore. Me anë të një postimi në Facebook, Ambasada thotë se dakordësia mes palëve është një hap i rëndësishëm për të trajtuar plotësisht rekomandimet e ODIHR-it. Po kështu, Ambasada mbetet shpresëplotë që palët politike të ecin përpara në këtë frymë bashkëpunimi, për të siguruar që zgjedhjet të jenë të lira.
Statusi
Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni.
