Ditën e sotme pati aludime se infermierët e dërguar në Itali janë të pakualifikuar, ndërkohë lidhur me këtë çështje ka reaguar së fundmi Urdhri i Infermierit të Shqipërisë.
Institucioni ka sqaruar opinionin publik se 20 infermierët të cilët në këto momente po japin kontributin e tyre në luftën kundër koronavirusit në Spitalin e Brescias në Itali, janë anëtarë aktivë të Urdhrit dhe të pajisur me Lejen e Ushtrimit të Profesionit të Infermierit.
Urdhri i Infermierit shprehu indinjatën e tij përkundrejt të gjithë aludimeve që po bëhen për të zbehur kontributin e profesionistëve tonë në shtetin fqinj, Italinë.
Gjithashtu, institucioni theksoi se Lejet e Ushtrimit të Profesionit, janë plotësisht të njohura nga organet homologe në Itali.
