Altin Basha i cili është regjisor i spektaklit të humorit “Kosherja” në sezonin e dytë të transmetimit, do të rikthehet sërish në “Top Channel”. Një vit pasi shkëputi kontratën 17 vjeçare me ekranin e “Top Channel”, Altin Basha është në bisedime me drejtuesit e televizionit për të krijuar një program të ri. Programi në fjalë do të vijë në bashkëpunim me aktorin dhe moderatorin e “Portokalli”-së, Salsano Rrapi, bëjnë me dije burime për “bordo.al”.
Ndonëse ende nuk bëhen me dije detaje rreth natyrës që do të ketë ky program i ri, mendohet se Basha dhe Salsano janë shumë pranë firmosjes së kontratës.
Kujtojmë këtu se Altin Basha, regjisori prej 17 vitesh i programit “Portokalli” në Top-Channel, u largua përfundimisht nga spektakli në shtator të 2020-ës.
