Pas akuzave së ish-kryeministrit Berisha, i cili nënvizoi se në protestën e 8 janarit ka pasur njerëz të armatosur në selinë e PD, një kundërpërgjigje është përcjellë nga Enkelejd Alibeaj. Ai thotë se i vetmi person i cili nxiti dhunën është vetë ish-kryeministri Berisha. Alibeaj i cili u mor edhe në mbrojtje nga ana e Gardës pas paralajmërimeve për një sulm të mundshëm ndaj tij, me anë të pamjeve të publikuara në “Facebook” ka akuzuar Berishën se së bashku me mercenarët që e mbështesnin kishte lajmëruar gjakderdhje në selinë blu.
“Ai që e nxiti, paralajmëroi dhe planifikoi dhunen kundër PD është Sali Berisha. Me zë dhe le figurë. Ai dhe mercenarët e tij e lajmeruan publikisht se kundër demokrateve do te perdorej dhune, madje mund te derdhej edhë gjak. Gjuha e urrejtjes se Sali Berishes solli dhunën në shtëpinë e gjithë demokratëve në 8 janar. Por demokratet e kuptuan atë qarte, prandaj e dhe braktisën Berishën dhe bandën e tij që donte gjakderdhje!”, shkruan Alibeaj në Facebook.
