Një ditë më parë, Aleanca për Teatrin ishte në Durrës përpara Pallatit të Kulturës, ku zhvilloi një tubim sensibilizues dhe u mblodhën firma për peticionin për rindërtimin e teatrit.
Ndërkohë së fundmi aktivistët e kanë zhvendosur protestën në një tjetër qytet.
Aleanca për Mbrojtjen e Teatrit po zhvillon protestën e radhës në Shkodër, para Teatrit Migjeni.
Nën logon “Demokracia nuk është dhuratë, demokracia është kusht” para teatrit Migjeni, janë mbledhur aktivistë dhe artistë, si dhe qytetarë të tjerë.
Kujtojmë se Aleanca ka paralajmëruar se do të shkojë qytet më qytet për të mbledhur firmat për rindërtimin e teatrit aty ku ishte dhe ashtu siç ishte.
