AlbControl ka kërkuar ndihmë nga partnerët strategjikë për zhbllokimin e situatës së krijuar në aeroportin e Rinasit, ku kontrollorët hynë në grevë dhe bojkotuan punën.
“BalkanWeb” mëson se autoritetet shqiptare kanë bërë kërkesë për kontrollorë ajrorë nga vende të tjera. Zëvendësimi i këtyre punonjësve është kërkuar deri në momentin sa të zgjidhet situata në Rinas.
Burime për ‘News24’ dhe ‘BalkanWeb’ bëjnë me dije se ka përgjigje pozitive nga disa vende partnerë për të ofruar ndihmën e tyre. Kujtojmë që prej ditësh së djeshme janë ndërprerë fluturimet në Rinas, në të vetmin aeroport ndërkombëtar që ka vendi ynë.
