“Kreu i komanduar i Bashkisë në Durrës duhet të kish dhënë dorëheqjen pas situatës katastrofike me plehrat”. Kështu është shprehur ish-kandidati për kryetar të PS-së së Durrësit, Ardit Kërtusha, duke kujtuar se çdo cep i qytetit është i mbuluar nga mbetjet urbane, ndërkohë ka nisur sezoni turistik. Kërtusha ka reaguar në rrjetet sociale për situatën e krijuar në muajin e fundit, duke theksuar se komanda e vërtetë në qytet vjen nga ish kryebashkiaku Dako, i shpallur “non grata” prej kohësh nga Departamenti Amerikan i Shtetit, por me pozita shumë të forta pranë kryesocialistit Rama. Kërtusha thekson se, kur i gjithë qyteti i Durrësit ka një makinë shekullore për mbledhjen e plehrave, kryetarja e Bashkisë dhe drejtori përkatës për pastrimin e qytetit lëvizin me makina luksoze të blera me paratë e durrsakëve.
Statusi i Ardit Kërtushës:
“Ndërkohë që qyteti i Durrësit ka nevojë me shumë se kurrë të rimëkëmbet nga efektet negative që la tërmeti dhe pandemia, ne shikojmë për më shumë se tre muaj një gjendje katrastofike të këtij qyteti. Çdo cep i mbuluar nga plerat urbane. Një gjendje për të ardhur keq dhe turp njëkohësisht. Një situatë dhe më katastrofike se ai i tërmetit pasi ai dihet që erdhi si pasojë e shkaqeve natyrore por, situata e sotme vjen nga keq menaxhimi i bashkisë inekzistente. Çdo durrsak sot pret dorëheqjen e kryetares së komanduar të Bashkisë së Durrësit që padyshim asnjë nuk i di emrin por thjeshtë i dinë funksionin- vegël e Dakos. Dhe punonjësit të gjithë pranojnë një zëri që zonja në fjalë ka më pak kompetenca se pozicioni i drejtoreshës që mbante dikur. Është i vetmi shërbim që i ka shpëtuar klanit gllabërues të qytetit të Durrësit me kryehajdutin e vogël që tashmë e njohin të gjithë. Po thoni ju që pse pikërisht tani kur ai kishte kohë 12 vjet për t’i privatizuar ato? Njëra nga arsyet është që se ka pasuar aq të domosdoshme se drejtorinë e pastrim gjelbërimit gjithmonë e ka përdorur si një ndërmarrje të tijën e ka shfrytëzuar që nga mjetet, nafta, punësime dhe e ka pasur padyshim më fitimprurëse sesa sipërmarrja e tij e betonit.
Por arsyeja më madhore është se ka qenë i presionuar shumë nga elementet kriminalë të këtij qyteti dhe duke qenë që tipari dominant i tij, është mungesa e karakteri dhe shitja tek çdo i fortë, problemi i qendronte tek peshorja e të fortëve. Pse tek peshorja ? Tek peshorja sepse në takimet e tij të përditshme me këto elemente kriminale gjithsecili prej tyre i konfirmonte që ishin më të forte se të tjerët. Dhe kështu xhuxhi konfuzohej kujt t’ia jepte dhe gjithashtu e kuptonte qartë se ndërmarrja do t’i dilte nga menaxhimi i tij dhe nuk do mund të merrte fitimet e pritshme. Sot bilanci i krimit ka ndryshuar në Durrës shumë elementë kriminal që ky ka bashkëpunuar dhe ja ka drojën sot janë në kërkim nga drejtësia dhe disa nuk jetojnë më.
Jepi ‘non grata’ qytetit, bëj çfarë të mundesh që ti dhe kushdo me mbiemrin tënd të jeni në tabelën e personava jo të dëshiruar që do të skaliteni ne historinë e këtij qyteti. Çdo marrëzi e ka një fund ,vetëm kjo e jotja po vazhdon e vazhdon pa u ndalur. Kështu dhe plehrat kanë rrugën e varrezave që unë isha ndër të parët qe e ngrita si problem, por bashkisë nuk i interesoi ja dha Luanit te plehrave atij që i ishte premtuar. Dhe shpikën rrëshqitje dhe shembje të improvizuar të varreve me arsye që duhen privatizuar për një shërbim më të mirë. I morët çdo gjë këtij qyteti tashmë nuk po lini rehat as të ndjerët dhe as te gjallët të cilët po jetojnë mes mbeturinave dhe sëmundjeve. Kryetare e bashkisë bashkë me drejtorin e plehrave jepni në mënyre të menjëhershme dorëheqjen!
Jeni bërë sëmundja më e rëndë e këtij qyteti. Ndërkohë që qyteti jo larg nesh bari ka bërë seleksionimin e plehrave dekada më parë, ne jo që nuk i seleksionojmë jo vetëm që nuk i ndajmë në burim por s’kemi as kazanë as shërbim as mjete, kemi etëm disa punonjës militantë partie. I gjithë Durrësi ka një kamion mbeturinash shekullore ndërkohë dhe kryetarja e bashkisë dhe drejtori i plehrave lëvizin me makina luksoze të blera nga taksapaguesit durrsakë. Turp! Jepni dorëheqjen shpëtoni Durrësin shpëtoni turizmin”.
