Ditën e sotme, është bërë e ditur se një megaoperacion është organizuar nga Prokuroria e Krimeve të Rënda në bashkëpunim me policinë e Shtetit.
Operacioni është zhvilluar gjatë natës së të premtes, dhe është shtrirë në të gjithë vendin, pas lëshimit të 51 urdhër arresteve.
Sipas informacioneve të deri tanishme mega operacioni është shtrirë në disa qytete të vendit si në Tiranë, Lezhë, Kukës, Dibër, Shkodër dhe Korçë janë arrestuar 40 persona mes të cilëve 4 janë policë.
Gjithashtu bëhet e ditur se mes të ndaluarve ka edhe zyrtarë edhe pse nuk dihet identiteti i tyre dhe pozicioni që kanë mbajtur. Operacioni është ende në zhvillim dhe policia nuk jep detaje.
Arrestimet janë kryer për aktivitetin kriminal për trafikim emigrantësh në SHBA dhe Kanada, dhe mësohet se bëhet fjalë se janë goditur disa grupe të strukturuara kriminale.
