Policia Rrugore ka dhënë provat se nuk ka të ndalur me kontrollet edhe gjatë natës, për të evidentuar shkelësit dhe rritur sigurinë në rrugë.
Gjatë natës, kontrollet janë përqendruar në aksin Sauk-TEG, ku brenda pak orësh janë pezulluar 9 patenta për tejkalim shpejtësie. Radari ka zbuluar shoferë që lëviznin me shpejtësi nga 147 km/orë deri në 162 km/orë.
Njoftimi i policisë
“Vijon të ndodhë në aksin rrugor Sauk-Teg dhe në rrugën Tiranë -Durrës.
Kujdes, rruga monitorohet me Radar.
Shijoni fundjavën e mos fluturoni të arrini aksidentin, apo të dorëzoni patentën.
Prej orës 20.00 të mbrëmjes e deri tani 9 patenta të pezulluara për shpejtësi që varionte nga 147 km/h deri në 162 km/h. Respektoni rregullat e qarkullimit rrugor që destinacioni juaj të jetë i sigurt, e ju të shkoni bashkë me patentën tek familja, ajo ka nevojë për ju”.
