Formula 1 nisi në mënyrën më të keqe të mundshme kur piloti i Haas, Romain Grosjean u përfshi në një aksident. Makina e tij kaloi barrierat metalike, dhe mori menjëherë flakë. Fatmirësisht piloti doli me shpejtësi.
Romain Grosjean dërgoi një mesazh me video nga shtrati i tij në spital të dielën në mbrëmje, pas shpëtimit së tij në Bahrein gjatë një aksidenti të rëndë.
Duke folur nga qendra mjekësore lokale BDF, ai tha se është në gjendje të mirë. “Përshëndetje të gjithëve. Thjesht doja të them se jam mirë. Faleminderit shumë për të gjitha mesazhet. Falenderoj gjithë stafin mjekësor në spital. Shpresoj, së shpejti mund t’ju shkruaj disa mesazhe dhe t’ju tregoj si po shkon gjendja ime”.
Sipas mediave britanike, piloti është pjesërisht i djegur tek krahët, dhe ka disa brinjë të thyera.
