Një grua shqiptare ka gjetur vdekjen në një aksident tragjik në Itali. Viktima është shqiptarja 35-vjeçare, e identifikuar si Amantia Sula, gruaja e një zyrtari të policisë, shkruan cremonaoggi.it.
Bëhet fjalë për italianin Claudio de Leporini, edhe ai 35 vjeçar, i cili është komandant i karabinierëve në Cremona, i cili ishte në timon kur ndodhi aksidenti dhe aktualisht ndodhet për kurim në spital, por jashtë rrezikut për jetën.
Aksidenti ndodhi kur makina “BMW” e drejtuar nga burri i shqiptares u përplas me një kamion, në Pieve San Giacomo, Cremona.
Në vendin e ngjarjes ndërhynë dy ambulanca dhe forcat e zjarrfikësve, që punuan për nxjerrjen e makinës së çiftit që kishte përfunduar e përmbysur brenda një kanali me ujë.
Për gruan nuk mund të bëhej asgjë, pasi u konstatua në moment se kishte ndërruar jetë.
