Aksidenti tragjik me helikopter që la të vdekur basketbollistin e njohur Kobe Bryant ka tronditur botën e sportit dhe jo vetëm.
Shumë figura të njohura shprehën ngushëllimet e tyre në lidhje me aksidentin që i mori jetën edhe vajzës së tij 13-vjeçare, Gianna Maria Onore Bryant. Në fillim u raportua se ndodheshin 5 persona në helikopter, por mediat amerikane bëjnë me dije se në bord ndodheshin 9 persona.
Ende nuk janë zbardhur identitetet e 7 personave tjerë. 41-vjeçari ishte nisur për Akademinë Sportive Mamba në Thousand Oaks për një lojë basketbolli që ishte planifikuar, në momentin kur helikopteri u rrëzua në një kodër në Calabasas, California.
