Aksidenti në Rrugën e Kombit, identifikohen viktimat (Emrat)

Një aksident i rëndë automobilistik ka ndodhur pasditen e sotme në aksin Milot-Rrëshen, ku 4 persona kanë ndërruar jetë.

Aksidenti tragjik ka ndodhur në afërsi të një karburanti në Rreshen, ku mjeti  tip “Citroen” me të cilin udhëtonte familja Avdiaj nga Kosova është përplasur me mjetin tip kamion me drejtues shtetasin I.I.,banues në Kosovë.

Si pasojë e përplasjes fatale kanë humbur jetën Blerim Avdiaj, 45 vjeç, Anjeza Avdiaj 34 vjeçe dhe dy fëmijët, Klejdi Koci  11 vjeç e Medina Avdiaj 5 vjeçe. 11-vjeçari ishte i afërm i viktimave.

Një nga anëtarët ka gjetur vdekjen në vendin e ngjarjes, ndërsa 3 të tjerët kanë shkuar me shenja jete në spitalin e Kukësit dhe kanë ndërruar jetë aty.

I plagosur rëndë ka mbetur edhe fëmija tjetër, Violeta Avdiaj 3 vjeçe, e cila është dërguar më urgjencë në Spitalin e Traumës në Tiranë. Të dy automjetet po vinin nga Kosova drejt Shqipërisë.

Shkak i aksidentit dyshohet se ka qenë parakalimi i gabuar nga makina ”Citroen” me të cilën po udhëtonte familja nga Kosova dhe shpejtësia e lartë.