Kreu i qeverisë Edi Rama, është pyetur sot në konferencën për media në lidhje me aksidentin e shumëpërfolur të ministrit Arben Ahmetaj, për të cilin u tha se ishte në një makinë me biznesmenin Mirel Mërtiri.
Rama nuk ka dhënë aspak detaje, madje foli shkurt dhe prerë. Ai tha se nuk merret me survejime në vrimën e çelësit, por për të ka rëndësi çështja e plehrave.
“Refuzoj të përgjigjem, se unë nuk merrem me survejime në vrimën e çelësit, se kush udhëton me kë, dhe se kush është bashkëshortja e kujt, nuk është kjo detyra ime.
E vetmja gjë që mund t’iu them është që të shihni gjendjen e plehrave, procedurat nuk janë punët e mija.
Unë shoh vetëm rezultatin. Një gjë u them se shpifjet, sajesat, më shumë se këtë herë nuk kanë qenë ndonjëherë bashkë, përballë një investimi modern. Janë të verbuar”, përfundoi ai.
