Një aksident rrugor është shënuar mbrëmjen e sotme në aksin Korçë-Voskopojë.
Bëhet me dije se një makinë ka dalë nga rruga, duke u përplasur me një mur anësor të një biznesi buzë rrugës. Si pasojë ka mbetur i plagosur drejtuesi i mjetit 24-vjeçari M.M, i cili po merr mjekimin e nevojshëm në spitalin e Korçës.
Dyshohet se shkak për aksidentin të jetë bërë lagështia e madhe në rrugë si dhe shpejtësia e lartë me të cilën po udhëtonte.
